|
Mari geniet dit om etes vir haar gesin voor te berei en sien dit net
as een groot lekkerte om hulle so te versorg. Sy geniet die samesyn
en al die geselsery so om die etenstafel.
Hier is 'n paar van haar gunsteling resepte.
Resepte:
Mari hou baie van vleise en groentes en sekere vrugte. Sy hou
byvoorbeeld van vleis met 'n "byt".
Skaapskenkels met kerrie, aartappels en soet
patattas
Bestanddele:
- 1 kg skaapskenkels
- 2 gekapte uie
- 1 teelepel knoffel
- 1 eetlepel kerrie (+na smaak)
- vrugte Blatjang (chutney) (na smaak)
- 8 groot aartappels (geskil)
- 8 patats (geskil)
- 100 ml room
- 'n Halwe blik stroop (200 tot 250 ml stroop)
- sout en speserye (na smaak)
Metode:
- Stoom eers die skenkels tot lekker sag (in nie te veel water nie, want dit
moet lekker droog kook. As jy die water afgooi, gooi jy van die lekker
vetjies en sousies weg.)
- Stoom die aartappels saam met die vleis.
- Gooi dan 'n eetlepel olie in die pot, sny 2 uie in en roerbraai tot
die uie half gaar is. Voeg dan blatjang, kerrie, sout, speserye en knoffel (na smaak)
by.
- Roer tot die vleis lekker taai begin raak.
- Dan gooi jy die room by, net om 'n ligte sousie te maak.
- Met die patattas moet jy lekker stroop ingooi terwyl dit kook (nie te
veel water nie). Gooi ten minste 'n halwe blik stroop in die pot terwyl dit
kook. Dit maak die patats so half bruin en lekker soet. As dit gaar is,
sit bietjie botter by en braai vir so rukkie, totdat dit so lekker taai
stroop maak.
Vinnige
Karringmelkbeskuit
Bestanddele:
- 2 kg bruismeel
- 500 g botter
- 6 eiers
- 2 koppies suiker (of soos na smaak)
- 1 liter karringmelk of joghurt, dit werk net so lekker
- 2 teelepels kremetart
Metode:
- Oond moet vooraf verhit wees op 190 °C.
- Smelt botter.
- Voeg alle ander bostaande bestanddele saam in bak.
Voeg gesmelte botter by die droλ bestanddele. Meng dan alles mooi saam.
- Mens kan die deeg in bolletjies rol na wense
of 'n plat bak gebruik en die deeg plat werk in die binnekant. Dan kan jy die
beskuit na die tyd sny na wense.
- Bak beskuit tot mooi bruin bo en haal dan
uit die oond.
- Baktyd is ongeveer 30 tot 45 minute.
- Sny of breek versigtig los van mekaar as
die beskuit effens afgekoel is
- Droog uit in lou oond.
Geurige Spaghetti-gereg
 |
Bestanddele:
- 1 pakkie spaghetti
- 1 groot ui
- 1 groot kop blomkool (+/- 500 mg)
- 2 pakkies ontbytspek (bacon) of hoender,
klaar ontbeen
- 1 pakkie sampioene
- 200 ml room
|
Metode:
- Kook die spaghetti tot gaar, dreineer en plaas eenkant in bak.
- Braai die uie en sampioene tot mooi bruin en voeg dan die
spek of hoender
by.
- Roer saam met die 200 ml room.
- Kook die blomkool vir 10 minute en
dreineer.
- Voeg eers die blomkool by die spaghetti, voeg dan ook die vleismengsel by en roer
deur.
Nota: Dis voorwaar 'n lekker en GEURIGE
gereg!
|
